Task Force 141 "ўз репертуарида"

Task Force 141

2019 йилги Modern Warfare ўйинининг давоми бўлган Modern Warfare II ўйини шу йилнинг 28 октабрида чиқарилиши расман маълум бўлди. Икки кун аввал Activision ўйиннинг глобал трейлерини кўрсатган эди. Бугундан очиқ деб эълон қилинган Summer Game Fest тадбири давомида эса ўйин жараёни қандай бўлиши кўрсатилди.

Ўйиннинг кампания туридаги Dark Water миссиядан парча видеода ўйинчиларнинг кемага ўтиб ракетани зарарсизлантириши ва бўрондан омон қолишлари саҳнаси кўрсатилган:

Бўлажак ўйиннинг бу миссияси Call of Duty: Modern Warfare 2 ўйинидаги "The Only Easy Day... Was Yesterday" ва Call of Duty 4: Modern Warfare ўйинидаги "Crew Expandable" миссияларини бироз эслатиб юборади.

COD: MW II ўйини юқорида айтилганидек, келаётган куз фаслида  PS4, PS5, Xbox One, Xbox Series X/S ва компютер учун Battle.net/Steam платформаларига чиқарилади. Қизиқувчилар ўйинга ҳозирдан буюртма беришлари ва ўйинга эрта киришни қўлга киритишлари мумкин.

ЎҚИНГ: Black Shark 5 серияси глобал бозорга чиқди

Сайтимизнинг энг чиройли расмларини Инстаграмдаги саҳифамизда томоша қилинг!