Tecno ўз портфолиосини яна бир бюджет-гейминг смартфон қўшди

Tecno ўз портфолиосини яна бир бюджет-гейминг смартфон қўшди

Tecno компанияси ўзининг бу йилги смартфонлари қаторига яна бир янги моделни қўшди: кўпроқ ўйин ўйнаш учун мўлжалланган Pova 4 серияси смартфони Бангладешда намойиш қилинди. Бир қарашда унинг ташқи кўриниши Samsung'нинг ҳали тақдим қилинмаган смартфонлари учун чизиладиган "хунуккина" консепт дизайнларни эслатиб юборади.

Tecno Pova 4 сериясидаги оддий модел экрани 6.82 дюйм (HD+), Pro модел экрани (FHD+) эса 6.66 дюйм бўлиб, улар 90 герц янгиланиш тезлигига AMOLED дисплей ҳисобланади. Иккала модел ҳам MediaTek'нинг 6 нанометр ва саккиз ядроли Helio G99 процессорида, 2, 3 ёки 5 ГБ гача кўпайтирса бўладиган 8ГБ оператив хотира билан Android 12'да ишлайди. Маълум бўлишича, компания иловалар очилиш тезлигини ўртача 61 фоизга оширган. Телефон хотираси эса оддий моделда 128ГБ, Pro'да эса 256ГБ ни ташкил қилади.

Смартфонларга 6,000 мА/с сиғимли батарея ўрнатилган бўлиб, оддий моделда уни 18 Вт тезликда, ёхуд 20 дақиқа ичида 20 фоизгача қувватлашингиз мумкин. Компаниянинг таъклидлашича, 20% батарея билан сиз 12 соатгача гаплашишингиз, 3 соатгача PUBG ўйнашингиз ёки 4 соатгача YouTube видеоларини кўришингиз мумкин. Pro модел билан эса сиз батареяни 45 Вт тезликда, ёхуд 24 дақиқа ичида 50 фоизгача зарядласангиз бўлади. Шу билан бирга, у бошқа қурилмаларга 10 Вт тезликда қувват бериш билан повербанк вазифасини ҳам бажара олади. Иккала моделлар ҳам батарея хавфсизлиги учун STS технологиясига эга. Шунингдек, смартфонлар сунъий интеллект билан шовқинни камайтира олиш хусусиятига эга иккилик динамиклар билан ҳам жиҳозланган. Қолаверса, уларда 3.5 миллиметрли наушник уяси ҳам бор.

Қўшимчасига, смартфонлар пойга ўйинларда йўналишни назорат қилиш ва PUBG каби шутерларда мўлжаллашда ёрдам берадиган "қаттиқ гироскоп" сенсорига, ҳамда, ён томонидан ёқиш тугмаси билан интеграциялашган бармоқ изини аниқлаш сканерига эга.

Камераларга келадиган бўлсак, Tecno Pova 4 серияси орқа томонда 50МП асосий ва унга қўшимча сунъий интеллект камера, олд томонда эса 8МП сенсор билан таъминланган.

170.59 х 77.52 х 8.7 мм ўлчамли Tecno Pova 4 смартфони 210 доллар атрофидаги нархда, 164.79 х 77 х 9.19 мм ўлчамли Tecno Pova 4 Pro смартфони эса 260 доллар атрофидаги нархда сотувга чиқарилган. Улар қутида қувватлагич кабели ва адаптер билан келади.

ЎҚИНГ: Xiaomi 12Т Pro'нинг техник жиҳатлари ва қадоқ таркиби билан танишмиз

Terabayt.uz сайтининг видеолари: Youtube'даги каналимизда!