Telegram X’нинг Android клиенти ҳам янгиланди, янги имкониятлар билан танишамиз!
Telegram жамоаси мессенжернинг муқобил клиенти – TDLib (Telegram Database Library) асосида яратилган тезкор Telegram X иловасини дастлаб iOS-қурилмалар учун тақдим этган эди. Android-гаджетмалар учун унинг расмий аналоги – Challegram тақдим этилди, сўнгроқ эса у ҳам янгиланиб, номи ҳам Telegram X’га айлантирилди.
ЎҚИНГ: Хушхабар: Android учун ҳам Telegram X тақдим этилди!
Энди эса ушбу иккала мессенжер ҳам ривожлантирилиб, янгилаб борилмоқда. Жумладан, Android учун Telegram X клиентининг 0.20.4.786 версияси тақдим этилди.
Ушбу янгиланиш билан «яшил роботчали» қурилмалар эгаларига қуйидаги имкониятлар тақдим этилган:
- InstantView Editor ҳаволалари энди InstantView тарзида акс эттирилади.
- Мусиқий ижрочини аудиотанаффусдан сўнг билдиришномалар панелиданоқ ёпиш мумкин бўлди.
- Махфий чатлар учун чатни олдиндан кўриш ёпилган.
- Сақланган хабарлар учун белги (отметка) олиб ташланган.
- Прокси-сервер созламалари ҳамда журнал параметрлари бошланғич саҳифага жойлаштирилган.
- Theme / Bubble режимларининг биридан иккинчисига ўтишдаги муаммо ҳал этилган.
- Бошқа яхшилаш ва тузатишлар амалга оширилган.
ЎҚИНГ: Telegram X’нинг оддий Telegram’дан фарқи нималарда?
Android тизимли смартфонлар эгалари тезкор Telegram X мессенжерини ўрнатиб олиш (ўрнатиб олганлар эса янгилаш) учун мана бу ҳавола орқали Google Play дўконига ўтишлари мумкин.