Telegram’нинг компьютер версиясида ҳам энди бир нечта аккаунтдан фойдала оласиз!
Дунёда энг тез оммалашаётган мессенжерлардан бири – Telegram мобил клиентларида бир нечта аккаунтлардан фойдаланиш мумкин. Энди эса унинг компьютер версияси – Telegram Desktop дастурига ҳам ушбу имконият қўшилди.
ЎҚИНГ: Telegram мессенжерининг Android-иловасида яширин фойдали функция топилди
Бу ҳақда Telegram’нинг ўзбек тилида юритиладиган расмий – Telegram Uzbekistan канали маълумот бермоқда.
«Сиз кутган вақт келди — Telegram Desktop 2.1.14 бета-талқинида сиз мобил иловадагидек 3 та аккаунтдан фойдаланишингиз мумкин», – дейилади хабарда.
Шундай қилиб, бир нечта профилдан фойдаланиш янада қулайроқ бўлади:
- 1 дастурда 3 та профил;
- 1 компьютерга эса чексиз дастурларни ўрнатиш мумкин бўлади.
Шунингдек, Telegram яратилган қулайликларга қарамай, сохта аккаунтлардан фойдаланиш яхши эмаслигини эслатиб ўтди.
ЎҚИНГ: Telegram’да видеоқўнғироқ ишга туша бошлади – уни қандай фаоллаштирамиз?