«Тешик» экранли Galaxy A8s савдога чиқди – нархи билан танишинг!
Samsung компанияси дисплейи «тирқиш»ли Galaxy A8s смартфонини ўн кун аввал намойиш этганди. Аммо тақдимот маросимида жанубий кореяликлар бу моделнинг нархини айтишмаганди.
Бугун – 2018 йилнинг 21 декабрь куни ушбу смартфоннинг Хитойдаги нархи эълон қилинди. Бугина эмас, машҳур jd.com интернет-сайтида Samsung Galaxy A8s учун олдиндан буюртма ола бошлади.
Нархларига келсак, тезкор/ички хотираси 6/128 гигабайтлик Galaxy A8s учун 435 доллар сўралмоқда. Буюртмачиларга харидларни етказиб бериш 31 декабрдан бошланади. Мазкур смартфон кўк, қора ва кумушранг корпусларда таклиф этилади.
Кейинроқ Samsung Galaxy A8s’нинг 8/128 ГБ хотирали версияси ҳам чиқади, лекин унинг нархи ҳозирча номаълум. Бугунги кунгача дунё бозорига тақдим этилган Samsung смартфонларини эса Terashop.uz интернет-дўконимиздан 861 000 сўмдан бошланувчи нархларда онлайн усулда сотиб олиш мумкин.