Tesla гуманоид робот устида ишлаётганда, “Хитойча Tesla“ робот отини намойиш этди
Кеча Хитойнинг Xpeng Motors компанияси сирли янги маҳсулотнинг тизер тасвирини эълон қилди. Маълум бўлишича, Xpeng компанияси робот отни яратган. Ишлаб чиқарувчилар қурилмани “миниш мумкин бўлган дунёдаги биринчи ақлли робот от“ деб таърифлашди.
ЎҚИНГ: Xiaomi илк робот-итини чиқарди: 1500 долларлик CyberDog салто ота олади! («жонли» видео)
Xpeng ўз постида ақлли робот тўрт оёқли роботнинг архитектурасига асосланиб яратилганлиги ҳамда у атроф-муҳитни идрок эта олишини таъкидлади. Роботни яратишда дизайнерлар битта тасвиридан илҳомланган. Шунингдек, автоуловларда ишлатиладиган ақлли бошқарув тизим ҳам ушбу роботда мавжуд.
Робот катталарга қараганда кўпроқ болалар учун мўлжалланган, лекин уни юк ташиш учун ҳам ишлатиш мумкин. Бунинг учун ҳатто роботнинг орқа томонида кичик қути ҳам бор. Интеллектуал тизим роботнинг ўзини ўзи зарядлашини таъминлайди. Роботнинг қуввати камайганда, у зарядлаш станциясини ўзи топиб боради.
Роботнинг нархи ва унинг қачон сотувга чиқиши ҳозирча номаълум.
