Tesla хатосини тан олди: электромобилларга стандарт руллар қайтади

Tesla хатосини тан олди: электромобилларга стандарт руллар қайтади

Илон Маск ўз Twitter саҳифасида Model X ва Model S Plaid автомобилларига стандарт руллар қайтмаслигини айтган эди. Бироқ ҳаммаси ҳам Tesla раҳбари айтганидек бўлиб чиқмади, энди танлов имконияти мавжуд. 

Tesla'нинг Хитойдаги онлайн дўконида машина харид қилаётганда харидорларга рулнинг икки хил вариантда танлаш имконияти берилди. Биринчиси ярим айлана шаклдаги ноодатий руль бўлса, иккинчи стандарт доирасимон руль. Компания, шунингдек, стандарт рулнинг Model X ва Model S Plaid автомобилларида бўлишини ҳамда уларни нархи қанча бўлишини ҳам айтиб ўтди. 

Икки рулнинг нархида ўзгариш бўлмайди. Харидор қайси рулни танлаши ўзининг хоҳишига боғлиқ. Бироқ стандарт доирасимон рулга эга электромобиллар шу йилнинг март ойидан етказиб берилишни бошлайди. 

Кўплаб Tesla автомобиллари айнан ноқулай деб аталган ярим айлана шаклдаги руль билан сотилган. Компания 700 доллар эвазига ушбу рулни одатий рулга алмаштириб бериш имкониятини ҳам таклиф қилади.

ЎҚИНГ: Tesla жаримага тортилди 

Сайтимизнинг энг чиройли расмларини Инстаграмдаги саҳифамизда томоша қилинг!