ТОП-10: Байкерча зомби-экшен ўйини чиқибоқ чарт лидерига айланди

Ўтган ҳафтада тақдм этилган ўйинларнинг энг муҳими – Days Gone лойиҳасининг компьютер версияси бўлди. Steam онлайн дўконининг ҳафталик у Mass Effect Legendary Edition ўйинини ҳам ортда қолдириб, етакчига айланди

ЎҚИНГ: Ниҳоят, кўп мақталган ролли ўйин Android учун ҳам чиқяпти! (+видео)

Days Gone ўйини Sony Interactive Entertainment ноширлигида SIE Bend Studio томонидан ишлаб чиқилган ва 2016 йилнинг 13 июнида намойиш этилган. Олдин фақат PlayStation учун эксклюзив бўлган бу ўйин ўтган сешанба – 18 май куни компьютерлар учун ҳам чиқди. У саргузашт-жангари ўйин бўлиб, survival horror унсурларини ҳам ўзида жамлаган.

Ўйин воқеалари АҚШ ҳудудида глобал пандемиядан бир неча йил кейинги даврда бўлиб ўтади. Геймер унда бош персонаж – Дикон Сент-Жон исмли байкер ролини ўйнайди. Мотоциклчи эпидемия туфайли аҳолининг аксарияти «фрик»ларга айланган дунёда жон сақлашга уринади.

ЎҚИНГ: Геймер лавозимида иш бор – маоши йилига 41 минг доллар!

Шундай қилиб, Steam онлайн дўконида 17 майдан 23 майгача бўлган даврда сотилиши бўйича ўйинлар чарти қуйидагича:

1. Days Gone
2. Mass Effect Legendary Edition
3. Biomutant
4. Resident Evil Village
5. Subnautica: Below Zero
6. Red Dead Redemption 2
7. Valve Index VR Kit
8. The Witcher 3: Wild Hunt GOTY
9. It Takes Two
10. Cyberpunk 2077

Хўш, сиз булардан қайсиларини ўйнаб турасиз?

ЎҚИНГ: Бойлар ҳам ўйнайди: Илон Маскнинг севимли видеоўйинлари қайсилар?