ТОП-50: энг ишончли компаниялар рейтингида Apple атиги 46-ўринда!
Куни кеча биз Boston Consulting Group консалтинг компаниясига кўра энг инновацион элликта компания рўйхатини эълон қилган эдик. RepTrak таҳлил компанияси эса фойдаланувчиларнинг тақризларига асосланган ҳолда йирик брендларнинг репутацияси – ишончлилик рейтингини тақдим этди.
ЎҚИНГ: ТОП-10: дунёдаги энг ҳурматли компаниялар (Fortune рейтинги)
Қанчалик ғалати бўлмасин, унда биринчи ўринни рақамли технологиялар соҳасидаги бирор гигант эмас, балки... LEGO эгаллаган!
ТОП-ўнталикка қуйидаги компаниялар кирган:
- LEGO
- Rolex
- Ferrari
- Bosch
- Harley-Davidson
- Canon
- Adidas
- Walt Disney Company
- Microsoft
- Sony
RepTrak рейтинги ўтган йилнинг декабридан то бу йилнинг январигача бўлган даврда олинган маълумотларга асосланган. Ишонч индекси истеъмолчилар орасида ўтказилган сўров, турли кўрсаткичларнинг ОАВда ёритилиши асосида баҳоланган.
ЎҚИНГ: Дунёнинг энг қиммат брендлари: Global 500 рейтингида лидер алмашди!
Нисбатан юқори – 74,9 балл олганига қарамасдан, Apple кўплаб техногигантлар, шу жумладан Microsoft, Google, Intel ва Samsung компанияларидан анча пастда, яъни 46-ўринда жойлашган.
Умуман олганда, элликталик рейтингга қуйидагилар кирган:
Электрон савдо империяси – Amazon бор-йўғи 92-поғонага лойиқ кўрилгани, Facebook эса ҳатто юзталикка ҳам кира олмаганини ҳисобга олсак, купертиноликлар ранжимаса ҳам бўлади.
ЎҚИНГ: Apple ва Netflix айнан Ўзбекистонни танлади. Нега Қозоғистонни эмас?