Тўрт йиллик Galaxy смартфонига дастур янгиланиши келмоқда
Хабарингиз бор Samsung янги флагман смартфонларини энди тўрт йиллик Android тизим янгиланиши ҳамда беш йиллик хавфсизлик патчи янгиланишлари билан таъминлайди.
Бошқа компаниялар билан таққослаганда Samsung ўз смартфонларини узоқроқ муддатли дастур янгиланиши билан таъминламоқда.
SamMobile берган маълумотларга кўра, Samsung тўрт йиллик Galaxy S9 ва S9+ моделларига март ойи хавфсизлик патчини жўнатмоқда.
2018 йилда смартфонлар тақдим этилган вақт компания уларни тўрт йиллик хавфсизлик патч янгиланиши билан таъминлашини айтмаган эди.
Прошивка версия рақами G96xFXXUHFVB4 бўлиб, у 50 дан ортиқ хавфсизлик заифликларини тузатади. Янгиланиш ҳозирда Германиядаги фойдаланувчиларга жўнатилмоқда. Тез орада бошқа ҳудудлардаги фойдаланувчилар ҳам прошивкани қабул қилиб оладилар.
Galaxy S9 смартфонлари хавфсизлик патчи бошқа қурилмаларга қараганда эртароқ қабул қилиб олмоқда.
Албатта, Samsung ўз смартфонларини узоқ йиллик дастурий таъминот янгиланишлари билан таъминлаётгани жуда қувонарли ҳолат.
ЎҚИНГ: Samsung ўзининг Galaxy Watch5 смарт-сотларига янги функция қўшмоқчи
