Тўртта iPad'га қарши битта Galaxy Tab

Тўртта iPad'га қарши битта Galaxy Tab

International Data Corporation (IDC) таҳлилчиси Франсиско Жеронимо ўз Twitter саҳифасида 2022 йилнинг илк уч ойлигида энг кўп сотилган планшетлар топ бешталиги рўйхатини эълон қилди. Унга кўра, Apple компаниясининг iPad планшети умумий бозорнинг 31.8% улуши билан дунё бўйлаб энг кўп етказиб берилган.

Гарчи ўз қаторининг энг зўр бўлмаса-да, ўтган йили сентабрда тақдим қилинган iPad планшети топ бешталикда биринчи ўринни эгаллаган. Фахрли иккинчи ўринни эса "кичкина" деган номига қарамай iPad Mini (2021) банд қилган. Топ учлик яна бир бошқа Apple планшети, юқори даражадаги iPad Pro (2021) билан ёпилган. Apple планшетлари рўйхатни тўлиқ эгаллаб ололмаган ва тўртинчи ўринда рақобатчи компания қурилмаси турибди. Бироқ, купертинолик компаниянинг икки йил аввал чиқарилган планшетларидан бири топ бешликнинг сўнгги ўрнини банд қилишга муваффақ бўлган ва бу 2020 йилнинг октабрида чиқарилган iPad Air бўлиб, рўйхат у билан якунланади. Ушбу планшетлар Apple планшетлари сотувининг 94% қисмига тўғри келар экан.

Глобал планшетлар бозорида Apple'дан кейинги иккинчи ўринни Samsung эгаллаган ва унинг улуши 21.8 фоизга тўғри келади. Жанубий Корея компаниясининг икки йил олдинги Galaxy Tab 8.4 қурилмаси энг кўп сотилган тўртинчи планшет бўлган ва у қатордаги ягона Android планшетдир.

ЎҚИНГ: Apple тез кунда ўзининг виртуал реаллик қурилмасини тақдим қилиши мумкин!

 
 
 
 
Terabayt.uz сайтининг видеолари: Youtube'даги каналимизда!