Toshiba шахсий компьютерлар бозоридан кетади…ми?

Toshiba шахсий компьютерлар бозоридан кетади…ми?

Мустақил манбанинг The Wall Street Journal`га таяниб ёзишича, Япониянинг Tosiba компанияси компьютерлар ишлаб чиқариш йўналишини сотувга қўйишга қарор қилди ва айни пайтда харидорлар билан мулоқотлар олиб борилмоқда.

Toshiba компаниясининг бош директори Масаши Муромати (Masashi Muromachi) жорий йилнинг октябрь ойи бошида наф келтирмаётган бўлимлардан воз кечиш ҳақида гапирганди. Бир оз вақт ўтиб, компания шахсий компьютерлар бозоридан кетишга қарор қилди. Демак, бу қарордан мазкур йўналишда ҳам бренднинг ишлари яхши эмас, деган хулосага келиш мумкин

Маълумотларга кўра, айни пайтда Toshiba Fujitsu компанияси, шунингдек, бир қатор маҳаллий ва хорижий ишлаб чиқарувчилар билан мулоқот ўтказмоқда.

Ҳозирча аниқ сотиб олувчи, бўлим нархи ва муддати ҳақида аниқ маълумотлар мавжуд эмас.

Япон шахсий компьютерлар ишлаб чиқарувчилари

Компаниянинг аввалроқ офис компьютерлар ишлаб чиқаришдан воз кечиши ҳақида гап-сўзлар тарқаганди. Сабаби, япон компанияси айни шу йўналишда жаҳон бозорининг 2,3% фоизини банд этган холос ва бир неча йилдан буён зарар билан ишламоқда.

Япониянинг Sony, Hitachi ва Sharp компаниялари ҳам компьютерлар ишлаб чиқаришни тўхтатганди. NEC компанияси эса бу йўналишдаги фаолиятни давом эттирмоқда. Эслатиб ўтамиз, NEC компаниясининг 51 % фоиз акциясига Lenovo эгалик қилади.