Трампдан Хитойга “жавоб”: энди у Huawei ва ZTE ускуналарини сотиб олишни таъқиқлайди.

Трампдан Хитойга “жавоб”: энди у Huawei ва ZTE ускуналарини сотиб олишни таъқиқлайди.

Америкалик корхоналарда Хитой компаниялари, жумладан, Huawei ва ZTE компаниялари томонидан ишлаб чиқарилган телекоммуникация ускуналарини ишлатиш ман этилиши мумкин. АҚШ президенти администрациясида шу ҳақда фармон тайёрланмоқда. Бу ҳақда “Business.ru” нашри ёзмоқда.

Манбада Фармон Савдо вазирлиги томонидан ишлаб чиқилаётганлиги ва январларда тақдим этилиши мумкинлиги айтилмоқда. Фармонда америкалик компанияларни "миллий хавфсизликка таҳдид солувчи" хорижий ишлаб чиқарувчиларнинг ускуналарини сотиб олишларини  тақиқлаш мажбуриятлари белгилаб қўйилади. Фармон матни ҳали ниҳоясига этилмаганлиги ҳамда Huawei ва ZTE номлари аксарият ҳолларда унда учрамасада, бу тақиқ шу икки компанияга таъсир қилиши айтилмоқда.

ЎҚИНГ:  2018 йил якунлари: Huawei барибир Apple’ни ортда қолдирди!

Манбада Доналд Трамп 2018 йилнинг август ойидан буён Huawei билан “кураш”ни бошлаганлиги, у АҚШ давлат тузилмаларига 2019 йил августидан бошлаб Хитой ускуналаридан фойдаланмасликни буюрганлиги ёзилмоқда. Бу ерда Huawei ва ZTE  Хитой ҳукумати учун жосусликда гумон қилинмоқда.

Қўшма Штатларда Фармоннинг амалга тадбиқ этилиши 5G тармоғининг ишга туширилишини секинлаштириши мумкин. Маълумки, Huawei ускуналари ушбу соҳадаги энг илғор технологиялардан бири ҳисобланади. Америкалик компаниялар энди бошқа ҳамкорларни излашни бошлаши мумкин.

Қўшимча маълумот ўрнида: жорий йилнинг 1 декабрь куни АҚШ талабига биноан, Канаданинг Ванкувер шаҳрида Huawei молиявий директори Мэн Ваньчжоу ҳибсга олинган эди. Шу боис Хитойдаги йирик компаниялар бунга норозилик ҳамда умуман ватанпарварлик белгиси сифатида Apple маҳсулотларига бойкот эълон қилишмоқда.

ЎҚИНГ: Phone эгаларини жазолай бошлашди: жарима, маошдан кесиш ва ҳатто ишдан бўшатишгача!