Турли хил нарх тоифадалардаги энг зўр Android смартфонлар еттита рейтингда (AnTuTu)
Qualcomm компанияси Android смартфонлар учун унумдорлиги энг баланд бўлган чипларни ишлаб чиқаради. Бироқ, AnTuTu рейтингига кўра, Qualcomm билан рақобат қилиши мумкин бўлган бошқа компаниялар ҳам пайдо бўлмоқда.
Флагман смартфонлар тоифасида топ учталикдаги қурилмалар Snapdragon 8 Gen1 чипи билан жиҳозланган. Булар: Red Magic 7 Pro, IQOO 9 Pro, IQOO 9. Ҳозирда Snapdragon 8 Gen1 билан MediaTek компаниясинг Dimensity 9000 рақобатлашмоқда. Ушбу чип билан жиҳозланган Redmi K50 Pro смартфони тўртинчи ўрин, Oppo Find X5 Pro эса олтинчи ўринни эгаллади. Топ ўнталикдаги қолган смартфонлар эса Snapdragon 8 Gen1 чипида ишлайди.
Red Magic 7 Pro ўйинбоп смартфон бўлиб, унинг ичига махсус совутиш парраклари ўрнатилган. Бу эса чипсетга частоталарини юқори даражада ушлаб туриш имконини берди. Гарчи IQOO 9 моделлари парракли совутиш тизимига эга бўлган ўйинбоп смартфон бўлмаса-да, улардаги оддий совутиш тизими қолган смартфонларникидан яхшироқ ишлайди.
Dimensity 9000 чипи билан жиҳозланган смартфонлар ҳақида гапирадиган бўлсак, Oppo Find X5 Pro оддийроқ совутиш тизимига эга бўлганлиги учун у Redmi K50 Pro'га нисбатан камроқ балл тўплаган.
Snapdragon 8 Gen1 ҳамда Dimensity 9000 чипларини таққослайдиган бўлсак, CPU унумдорлиги бўйича MediaTek чипи яхшироқ, бироқ, ундаги Mali-G710 MC10 GPU Qualcomm'нинг Adreno 730 график процессоридан кучсизроқ. Бу ҳайратланарли ҳолат эмас, чунки Adreno бир неча йиллардан бери Android смартфонлардаги энг кучли GPU бўлиб келмоқда.
2000 юань, яъни 315 долларгача бўлган смартфонлар сегментида ҳам Snapdragon ва Dimensity чиплари билан жиҳозланган смартфонлар етакчи. Motorola Edge S30 (Snapdragon 888+) биринчи, realme GT 5G (Snapdragon 888) иккинчи ўринни эгаллаган. realme GT Neo2T (Dimensity 1200) қурилмаси эса кучли учликка якун ясаб берган. Redmi Note 10 Pro (Dimensity 1100) тўртинчи, realme Q3s (Snapdragon 778G) эса бешинчи ўринни эгаллади.
3000 юань яъни 470 долларгача бўлган смартфонлар сегментида Moto Edge X30 (Snapdragon 8 Gen1) чили етакчи бўлиди. Шунингдек, рейтингидан Redmi K50 (Dimensity 8100), Redmi К50 Pro (Dimensity 9000) ўрин олган. Ушбу сегметда асосан ўз нархига ажойиб техник кўрсаткичларни таклиф қилувчи смартфонлар мавжуд. Кўриб турганингиздек, Dimensity 8100 чипи Dimensity 9000'дан яхшироқ натижа қайд этган.
4000 юань, яъни тахминан 630 долларгача бўлган смартфонлар рейтингида Redmi K50 Gaming, realme GT2 Pro ва nubia Z40 Pro смартфонлари етакчи. Учала қурилма ҳам Snapdragon 8 Gen1 чипи билан жиҳозланган. Ундан кейинги ўринларга Snapdragon 888 ва 888+ чилпларига эга IQOO 8 ва IQOO 9 смартфонлари жойлашган.
5000 юань, яъни 785 доллар нархдаги смартфонлар сегментида Snapdragon 8 Gen1 чипида ишловчи Red Magic 7 Pro, Xiaomi 12 Pro ва IQOO 9 Pro моделлари етакчи.
Турли хил нарх тоифадалардаги флагман смартфонлар рейтингида Dimensity 9000 чипли Oppo Find Х5 Pro етакчи. Қизиғи, Dimensity чипли версия Snapdragon чипли версиядан юқорироқ балл тўплаган.
Ўрта тоифадаги смартфонлар рейтингида IQOO Z5 (Snapdragon 778G) смартфони етакчи бўлса, Honor 60 Pro (Snapdragon 778G+) ва Mi 11 Lite 5G (Snapdragon 780G) смартфонлари кучли учликка якун ясаб берган. Қолган еттита смартфондан олтитаси Snapdragon 778 чипли қурилмалар бўлса, биргина Oppo Reno6 5G смартфони Dimensity 900 чипи билан жиҳозланган.
ЎҚИНГ: 
