Twitter янги функцияни ишга туширмоқда

Twitter ижтимоий тармоғи дастурчилари ўз фойдаланувчилари учун янги функцияни жорий қилишини эълон қилди. Унга кўра фойдаланувчилар энди айнан маълум бир йўналишга тегишли твитларга обуна бўлишлари мумкин. Ушбу механизм бошқа фойдаланувчилар микроблогини кузатишнинг аналоги ҳисобланади.

Twitter янги алгоритмларни автоматик ўрганиб бориш ёрдамида жорий қилишни режалаштирган. Шу йўл билан компания раҳбарлари фойдаланувчиларнинг қизиқарли контентларни излаб топишини осонлаштириш ва аккаунт эгасига қизиқарли бўлган ахборотларнигина кўрсатишни мақсад қилишган.

Тест режимида ушбу функция айрим Android-қурилмаларда фақат спортга оид хабарларнигина кузатиб боришга қодир. Twitter сунъий онгни таҳлил қилган ҳолда обуна бўлиш мумкин бўлган йўналишларни кенгайтириб боради. Керак бўлганда қизиқиш ёки йўналишни ўзгартириш мумкин бўлади. Дастурчиларнинг ўйлашича, фойдаланувчилар ўзи учун қизиқарли бўлган кумири, юлдузлари ва жамоат арбобларига обуна бўлиши ва уларга оид постларни ўқиши мумкин бўлади.

Айнан мавзуга оид хабарларни олиш функцияси июнь ойида iOS ва Android учун мўлжалланган “Яндекс.Дзен” мобил иловасида ҳам пайдо бўлганди.

ЎҚИНГ: Ижтимоий тармоқларни бир соатга блоклаш қанчага тушади?