Учта тариф режасида дақиқа ва МБлар лимити кўпайиб, SMS лимити ҳам қўшиляпти!
Ucell уяли алоқа оператори аввалроқ Tas-IX ҳудуди учун тақдим этаётган интернет-тўпламларнинг нархини ўзгартирмасдан, мегабайтлари ҳажмини ошириб берган эди. Шунингдек, у «COSMO», «Active» ва «Special» тарифлар тизимлари учун янги интернет-тўпламлар жорий этяпти.
ЎҚИНГ: Энди бошқа тариф режасига ўтганда дақиқа, SMS ва мегабайтларингиз куймайди!
Мазкур оператор «COSMO» тариф режалари тизимини янгилаётганини эълон қилди. Унга кўра, 2020 йил 4 ноябрдан «COSMO» тизимига кирувчи учта тариф режасида дақиқалар ва МБлар лимитлари кўпаяди, шунингдек, Ўзбекистон бўйича чиқувчи SMS-хабарлар лимити қўшилади:
Шуни ҳам эътиборга олишингизни сўраймизки, 04.11.2020 санасидан «COSMO» тариф режаларида «Сизга қўнғироқ қилишди» ва «Рақамни яшириш» хизматларининг янги уланишлар учун бепул тақдим этилиши, шунингдек YouTube учун алоҳида интернет-трафик лимитлари тақдим этилиши тўхтатилади.
2020 йил 4 ноябргача ойлик абонент тўловини тўлаб, тариф бўйича ойлик лимитлар олган абонентлар учун ушбу ўзгаришлар кейинги ойлик даврдан бошлаб кучга киради.
Тариф режалари доирасидаги ўзгаришлар 04.11.2020 куни, соат 18:00 дан кейин кучга киради. «COSMO» тариф режалари ҳақида батафсил маълумот олиш учун мана бу ҳавола орқали Ucell сайтига ўтишингиз мумкин.
ЎҚИНГ: Уяли алоқа компаниялари 1 ноябрдан янгича яшай бошлайдилар