USB-C портли AirPods яратилди

Кен Пиллонел аввалроқ смартфонларда иккита тажрибани ўтказган эди: ўтган йилнинг ноябрь ойида муҳандис муваффақиятли тарзда iPhone X моделига USB-C портини, кейинчалик, аниқроқ қилиб айтганда, шу йилнинг апрель ойида Galaxy А51 моделига Lightning портини ўрнатган эди.

USB-C портли iPhone X ким ошди савдосидан нақ 86,000 долларга сотилди. Энди Пиллонел USB-C портига эга AirPods кейсини яратишга ҳаракат қилди. У барча иш жараёнини видеога ёзиб олди. Даставвал муҳандис Apple сервисига телефон қилди ва AirPods кейсининг ёки аккумулятори ёки Lightning порти ишдан чиққанини таъкидлаб, уни алмаштириш мумкинлигини сўради. Оператор эса Пиллонелга кейсни алмаштиришни маслаҳат берди. 

AirPods аккумуляторини топиш қийин эмас, у нисбатан арзон. Lightning портини топиш эса қийин масала, чунки уни веб-сайтдан сотиб олиб бўлмайди. AirPods кейсининг зарядлаш портини алмаштирмоқчи бўлсангиз, бошқа қулқочиннинг кейсини топишингиз керак бўлади.

Пиллонел AirPods кейсини ичини очиб кўриши керак эди, аммо бу жараёнда кейсинининг уст қатлами синиши аниқ эди. Шунинг учун, у ўзи AirPods кейсини яратишга қарор қилди. 

Пиллонел ўз дизайнларини очиқ манба сифатида яратди, шунда бу лойиҳани ҳар бир киши ўзи амалга ошириши мумкин бўлади. У бу ечимларни тақдим этиш орқали AirPods кейсларини ташлаб юбормасдан, уни қайта таъмирлаш мумкинлигига умид қилмоқда.

ЎҚИНГ: Apple ўз қурилмаларига iOS 15.6 ва iPadOS 15.6 янгиланишларини жўнатишни бошлади