Узоқ кутилган Snapdragon 8 Gen1 чипи тақдим этилди

Узоқ кутилган Snapdragon 8 Gen1 чипи тақдим этилди

Qualcomm компанияси флагман Android смартфонлари учун ўзининг янги авлод чипсетини тақдим этди. У аввалги авлод чипларидан тубдан фарқ қилади, негаки, янги чип ARMv9 дизайнига эга.

ЎҚИНГ: Аккумулятор унумдорлиги бўйича ушбу смартфон DxOMark рейтингида биринчи ўринга чиқиб олди 

Ушбу чипга эга бўлган смартфонни сотувга чиқишини узоқ кутмасак керак, чунки йил охиригача баъзи компаниялар Snapdragon 8 Gen1 чипига эга бўлган смартфонларни тақдим этишни режалаштиришган. 

Snapdragon 8 Gen1 - бу ерда 8 чипининг флагман даражада бўлганини, Gen1 эса чипнинг биринчи авлод эканлигини билдиради. 

Шунингдек, бу Qualcomm компаниясининг биринчи тўрт нанометрлик жараён асосида яратилган ҳамда янги архитектурадаги марказий процессорга эга бўлган илк чипсети ҳисобланади. 

CPU учта кластердан иборат, аммо ядролар энди ARMv9 дизайнига асосланган. Чипда битта 3.0 гигагертсли Cortex-X2 асосий ядро, учта 2.5 гигагертсли Cortex-А710 ядро ҳамда тўртта 1.8 гигагертсли А510 ядролари жойлашган. 

Умумий олганда, Янги CPU аввалги Snapdragon 888 чипидаги CPU'дан 20% га тезроқ ишлайди ҳамда қувват сарфини 30% га яхшироқ тежайди. 

Adreno график процессори ҳам янги архитектура сабабли 30% юқори унумдорлик ҳамда 25% қувват тежамкорлигини тақдим этади. 

Qualcomm учта Elite Gaming функциясини ишлаб чиқди, улардан бири ўйин яратувчиларига унумдорлик ва қувват самарадорлиги ўртасидаги мувозанатни сақлашга имкон беради. 

Adreno Frame Motion Engine технологияси график процессорга бир хил қувват сарфлаган ҳолда ўйинни икки баробар тезлаштириш имконини беради. Шу билан бирга, у кадр/сониянинг бир меъёрда ишлашига таъсир ўтказмай қувват сарфини икки баробарга тежаш мумкин. 

Чип, шунингдек, X65 5G модемига эга бўлиб, у ҳам sub-6, ҳам mmWave тўлқинларини қўллаб-қувватлайди. Модем максимал 10 Гбит/секунд тезликка эриша олади.  

Snapdragon 8 Gen1, ўз навбатида, Wi-Fi 6 ва 6E маҳаллий уланиш тармоқларини қўллаб-қувватлайди. Bluetooth LE орқали чип CD Lossless аудио турларини стриминг қилиши мумкин. 

Trust Management Engine тизимини тақдим этиш орқали Qualcomm чипининг хавфсизлик даражасини ҳам яхшилади. 

Snapdragon 8 Gen1 чипи билан жиҳозланган илк смартфон шу ойда тақдим этилади. 

ЎҚИНГ: AnTuTu иловаси realme GT 2 Pro'нинг техник жиҳатларини ошкор қилди 

Сайтимизнинг энг чиройли расмларини Инстаграмдаги саҳифамизда томоша қилинг!