vivo X80 Pro+ катта ҳажмдаги камера модулига эга бўлади
Сўнгги кунларда vivo X80 сериясига оид янги маълумотлар тарқалишни давом этмоқда. Хабарларда X80, X80 Pro ва X80 Pro+ учлигининг техник кўрсаткичлари ҳақида маълумот берилмоқда. Катта эҳтимол билан смартфон ушбу ойда тақдим этилади.
Смартфонларнинг қандай дизайнда бўлишини кўрсатувчи ҳеч қандай рендерлар йўқ эди. Бир неча кун олдин Google Play Console платформасида vivo X80 моделининг суратлари эълон қилинди.
Кеча эса X80 сериясига мансуб бўлган смартфоннинг орқа панелини кўрсатувчи янги расмий сурат пайдо бўлди. Ушбу суратдаги смартфон катта эҳтимол билан vivo X80 Pro+ бўлиши мумкин.
Суратдан кўриниб турибдики, гаджетнинг орқа панелида катта ҳажмли махсус ҳудуд бўлиб, ундан юмалоқ шаклдаги камера модули ўрин олган.
Камера модулининг пастки қисмида яна бир камера жойлашган. У, эҳтимол, телефото камера бўлиши мумкин. Юмалоқ камера модулнинг ён томонида кичик дисплей жойлашиш эҳтимоли мавжуд. Аввалги моделда ушбу ҳудудда дисплей жойлашиши тахмин қилинган, бироқ бундай бўлмаган эди.
Камеранинг техник жиҳатларига тўхталадиган бўлсак, X80 Pro+ смартфони 50МП асосий камера (ISOCELL JN1), 48МП ультракенг камера (Sony IMX598) ва иккита телефото камераларга (ISOCELL JN1 +JN2) эга бўлиши тахмин қилинмоқда.
Шунингдек, смартфонда махсус vivo V1 камера провайдери ҳам бўлиши кутилмоқда, бу ҳақида афишадаги матнда ҳам эслатиб ўтгилган.
Қурилма 120 гертс LTPO2 технологиясига эга бўлган QHD+ AMOLED дисплейи ҳамда Snapdragon 8 Gen1 чипи билан жиҳозланади.
ЎҚИНГ: Asus компанияси Zenbook 14X OLED Space Edition ноутбукини сотувга чиқарди
