WannaCry вирусини йўқ қилган эксперт ҳибсга олинди

WannaCry вирусини йўқ қилган эксперт ҳибсга олинди

Жорий йилнинг 12 майида тарқалган WannaCry оммавий вируси Интернет тарихидаги энг глобал кибер-таҳдид бўлиб, 150 дан ошиқ давлатда йирик ташкилотларга, оддий фуқароларга жиддий зарар етказган.

Вирус қисқа муддат ичида тўхтатилган. Бу вирусни 23 ёшлик британиялик тадқиқотчи Маркус Хатчинс тўхтатиб қолишга муваффақ бўлган эди.  

АҚШ Федерал тергов бюроси томонидан Маркус Хатчинснинг ўзи яқинда хавфли ҳаккер сифатида қўлга олинди. У интернет тармоғида 2014-2015 йилларда Kronos троянини тарқатганликда айбланиб қўлга олинди. Бу вирус жаҳон миқёсида банкларнинг маълумотлар базаларидан ахборотларни ўғирлаган ва жиддий зарар етказган.

Интернетдаги ҳаккерлар оламида MalwareTech номи билан танилган тадқиқотчи Black Hat ва DEF CON кибер-жиноятчилар анжуманларининг фаол аъзоси экани аниқланган ва айнан шу анжуманларда иштирок этиш учун АҚШга борган. Ҳаккер уйга қайтиш чоғида Лас Вегас аэропортида қўлга олинган.

Тергов жараёнларида маълум бўлишича, жиноий гуруҳ AlphaBay номли савдо платформасида зарарли дастурий таъминотларни мунтазам пуллаб келган. Маркуснинг тан олишича, у бир гуруҳ ҳаккерлар билан бирга Kronos вирусини яратган ва $7 минг долларга пуллаган.

Terabayt.uz сайтининг видеолари: Youtube'даги каналимизда!