Windows 10 асосидаги энг арзон смартфон
CES 2016 кўргазмасига ташриф буюрганлар жуда кўп, ранг-баранг янгиликларга гувоҳ бўлишмоқда. Alcatel компанияси бу кўргазмада ўзининг Windows 10 бошқаруви асосида ишловчи энг арзон смартфонини намойиш этди. Alcatel OneTouch Fierce XL смартфонининг аниқ баҳоси ҳозирча маълум эмас. Компания қурилма нархини расмий тақдимотидан сўнг эълон қилишни режалаштирган. Экспертлар эса қурилманинг баҳоси 150 АҚШ долларидан ошмаслигини тахмин қилаяпти.
ТАВСИФ
Албатта баҳоси 150 АҚШ доллари бўлган смартфондан оламшумул имкониятларни кутиш қийин. Бироқ гаджетнинг темирдан эканини дастлабки ижобий жиҳат, деб белгилаш мумкин.
Alcatel OneTouch Fierce XL смартфони 5,5-дюйм IPS-экран(кўрсатиш қобилияти 720×1280 нуқта), тўрт ядроли, 1,1 ГГц частотатали Qualcomm Snapdragon 210 процессор, 2 ГБ оператив хотира ва 16 ГБ доимий хотира картаси билан таъминланган.
Гаджет бошқа анъанавий смартфонлар каби иккита камерали. 8 МП асосий камера(720р) билан дақиқасига 30 та кадр олиш мумкин. Селфи ҳамда видеочат учун смартфонга 2 МП ҳажмли фронталь камера ўрнатилган.
Windows 10 бошқаруви асосидаги Alcatel OneTouch Fierce XL тез орада Android`ли эгизаги билан бирга сотувга чиқарилиши режлаштирилган. Бу борада аниқ сана эълон қилинмаган. Бироқ эксперт ва мутахассислар смартфон жорий йилнинг биринчи чорагида савдога чиқарилиши мумкин, деган фикрда.
