Windows 10 компьютер операцион тизимлари бозорининг чорак қисмини банд қилди

Windows 10 компьютер операцион тизимлари бозорининг чорак қисмини банд қилди

Net Applications компанияси 2017 йил январь ойи бўйича жаҳон компьютер операцион тизимлари ҳолати бўйича статистикани эълон қилди, деб хабар бермоқда 3D News нашри.

Windows 7 версияси ҳалигача энг кенг тарқалган ПК операцион тизими номини сақлаб келаётган бўлса-да, унинг улуши кундан-кунга камайиб келмоқда. Ҳозир унинг жаҳондаги улуши 47,2 фоизни ташкил қилади (2015 йилда бу рақам 52,5 фоиздан иборат бўлган эди).

Windows 10 версияси эса бу орада ўз позицияларини мустаҳкамламоқда. Айни вақтда унинг бозордаги улуши 25,3 фоизга етган. Ўтган йилнинг шу даврида бу кўрсаткич 11,9 фоизни қайд қилган эди.

Windows XP версияси 9,2 % билан кучли учликка якун ясаган. Умуман олганда, Microsoft`га тегишли операцион тизимлар жаҳон ПК бозорининг 91,4 фоизини банд қилган. macOS 6,3% ва Linux операцион тизими 2,3 % улушга эга бўлган.

Сайт янгиликларидан доимий хабардор бўлиш учун Телеграм каналимизга қўшилинг!