Windows 10 May 2019 Update тақдим этилди: янгиланишларни энди ўзингиз бошқара оласиз!

  •   DiMaX
  •  1045
  •  05.04.2019 13:25

Windows 10 May 2019 Update тақдим этилди: янгиланишларни энди ўзингиз бошқара оласиз!

Microsoft компанияси кеча ўз операцион тизимининг навбатдаги йирик янгиланиши – Windows 10 May 2019 Update’ни намойиш этди. Унда фойдаланувчилар учун кўплаб янги қулайликлар берилган.

ЎҚИНГ: ЖОСУСЛАРДАН САҚЛАНИНГ: Windows 10 тизимида веб-камерани ўчириб қўямиз

Microsoft бу ҳақда ўз блогида ёзар экан, энди Windows 10 фойдаланувчилари тизим янгиланишларини ўзлари бошқара олишларини алоҳида таъкидлаган. Агар ушбу операцион тизимнинг аввалги функционал апдейтлари компьютерга ўз-ўзидан ўрнатиладиган бўлса, майдаги янгиланишдан сўнг унақа бўлмайди. Энди фойдаланувчига янгиланиш тайёр эканлиги ҳақида билдиришнома келади; уни ҳозир ўрнатиш ёки 35 кунгача пауза қилиб туриш ҳар кимнинг ўз ихтиёрида. Бордию фойдаланувчи функционал апдейтни ҳозирча ўрнатмай туришга қарор қилса, тизим фақат хавфсизлик янгиланишларини олишда давом этади.

Шунингдек, май ойидаги апдейт билан Windows 10 янги ёрқин интерфейс мавзусига эга бўлади, билдиришномалар маркази ҳамда «Қумдон» (Windows Sandbox)  янгиланади. Тағин у Kaomoji номли япон смайликларини қўллаб-қувватлайди, яна Cortana овозли ёрдамчи орқали қидирув ва Windows вазифалар панели орқали излашлар алоҳида-алоҳида қилиб ажратилади.

Янги дастурий таъминот кейинги ҳафтадан Windows Insider синов дастури иштирокчиларига тарқатилади. Оддий фойдаланувчиларнинг кенг оммаси учун эса Windows 10 May 2019 Update май ойида етиб келади.

ЎҚИНГ: Windows тизимли компьютерни керакли пайтда ўзи ёнадиган қиламиз!

Сайтимизнинг энг чиройли расмларини Инстаграмдаги саҳифамизда томоша қилинг!