Xiaomi 12 Lite жонли суратларда
Анча вақтдан бери миш-мишлардан тушмай келаётган Xiaomi 12 Lite смартфонининг жонли суратлари эълон қилинди. Суратни эълон қилган манба, шунингдек, смартфоннинг 2203129G модель рақамига эга эканини кўрсатиб берди.
Смартфон ясси дисплейга эга бўлади. Қолган Xiaomi 12 моделларидан фарқли ўлароқ унинг корпуси пластикдан ишланади. Қурилмага 120 гертсда ишлаёвчи FHD+ OLED дисплейи ўрнатилади. Бармоқ изи сканери эса дисплей остидан ўрин олади. Смартфон стерео динамик ва инфрақизил портга эга бўлади.
Орқа панелда 108МП (баъзи ҳудудлар учун 64МП) асосий камера, 8МП ультракенг камера ва 5МП макро камера бўлиши тахмин қилинмоқда.
Xiaomi 12 Lite катта эҳтимол билан Snapdragon 778G Plus чипи билан жиҳозланади. Яқинда смартфон ушбу чипга эга эканлиги GeekBench маълумотлар базасида айтилган эди. Қурилмада 67 ваттда қувват олувчи 4,500 мАс сиғимли аккумулятор бўлади.