Xiaomi 12 Ultra'нинг рендерлари эълон қилинди

Xiaomi 12 Ultra'нинг рендерлари эълон қилинди

Бу йилги Xiaomi Mi 11 Ultra ўзининг ўзгача дизайни билан кўпчиликни ажаблантирган эди. Смартфоннинг орқа панелида катта камера модули бўлиб, ундан учта камера ва иккинчи қўшимча дисплей ўрин олган эди. 

Янги Xiaomi 12 Ultra ҳам яна ўзгача дизайндаги камера модулига эга бўлади. LetsGoDigital инсайдери қурилманинг 3D рендерларини тақдим этди. 

Асосий камера модулнинг марказидан, ультракенг камера чап қисмидан ўрин олади. Телефото камера эса асосий камеранинг пастки қисмида жойлашганини кўришимиз мумкин. Шунингдек, модулнинг тепа қисмида тўртинчи камера бўлиб, у ToF сенсори бўлиши тахмин қилинмоқда. Қолган тирқишларга LED чироғи, юруғлик ва автофокус сенсорлари жойлаштирилади. 

Бир неча ой олдин Xiaomi компанияси Xiaomi 12 Ultra'нинг камераларини ишлаб чиқишда Leica билан ҳамкорлик қилиши ҳақида маълумотлар тарқалган эди. Суратдан келиб чиққан ҳолда, Xiaomi 12 Ultra'нинг камералари Leica брендига тегишли эканлигини айтишимиз мумкин. Ҳозирча бу тасдиқланган маълумот, чунки Leica ҳали ҳамон Huawei билан ҳамкорлик қилмоқда. 

Бироқ Zeiss бир вақтнинг ўзида vivo, Sony ва Nokia компаниялари билан ҳамкорлик қилаётганини ҳисобга олсак, Xiaomi ва Leica ўртасида ҳам келишув борлигига ишонишимиз мумкин. 

ЎҚИНГ: Ғилофлар Xiaomi 12, 12 Pro ва 12 Ultra смартфонларининг орқа панель дизайнини кўрсатиб берди 

Terabayt.uz сайтининг видеолари: Youtube'даги каналимизда!