Xiaomi 12 ва 12 Pro жонли суратларда

Xiaomi 12 ва 12 Pro жонли суратларда

Xiaomi компанияси бугун Xiaomi 12 ҳамда 12 Pro смартфонларини тақдим этади. Серияда яна Xiaomi 12X ва 12 Ultra смартфонлари бўлиб, улар кейинроқ тақдим этилади. 

Аввалроқ, Xiaomi 12 ва 12 Pro смартфонларининг кўплаб техник жиҳатлари маълум бўлган эди. Кеча компания директори Ли Жун икки қурилмага оид янги маълумотларни очиқлади.

Xiaomi 12 модели 67 ватт, Pro модель эса 120 ватт қувватлаш технологиясига эга бўлади. Смартфонлар, шунингдек, 50 ваттда симсиз қувват олиши мумкин. 

Xiaomi 12 Pro учта 50МП камераларга эга бўлади. Аввалроқ бундай ечимни Oppo смартфонларида кўрган эдик. Шундай қилиб, қурилмага 50МП асосий камера, 50МП ультракенг камера, 50МП телефото камера ўрнатилади. 

Смартфон 4,600 мАс сиғимли аккумулятор билан жиҳозланади. Бундан ташқари, у 120Hz экран янгиланиш частотаси ҳамда 480Hz сенсорли намуна олиш частотасини қўллаб-қувватловчи 6.73 дюймли 1440p резолюциядаги дисплейга эга бўлади. 

Ҳозирча Pro модель халқаро бозор учун ишлаб чиқарилиши аниқ эмас. Mi 11 Pro фақатгина Хитой бозори учун ишлаб чиқарилган эди. 

ЎҚИНГ: Xiaomi 12 Pro'га оид янги маълумотлар сиздирилди 

Хабарларни тез ва осон ўқиш учун Андроид иловамизни сақлаб олинг.