Ҳақиқий камерафон! Xiaomi 12S Ultra смартфонинг янги версияси чиқарилди
Жорий йилнинг июл ойида тақдим қилинган Xiaomi 12S Ultra аллақачон смартфонлар бозорида энг катта ўлчамдаги (1 дюймли Sony IМХ989 - 50МП) камера сенсорига эга ва у Galaxy S22 Ultra, iPhone 14 Pro смартфонлари билан бемалол рақобатлаша олади. Бироқ, Xiaomi бу билан чекланиб қолишни хоҳламади ва телефонни ҳақиқий камера даражасига олиб чиқди: компания Xiaomi 12S Ultra'нинг Concept версиясини чиқарди.
Маълум бўлишича, 12S Ultra'нинг янги версияси бир эмас, нақд иккита 1 дюймли камера сенсорларига эга ва бу ҳаммаси эмас. Сиз смартфонга М-сериясидаги Leica камера линзаларини улашингиз мумкин. Бу билан сиз профессионал суратга олиш воситасига эга бўласиз ва бу ҳозирги смартфонларнинг дастурий таъминотга асосланган фонни хиралаштириш функциясидан фарқли ўлароқ "ҳақиқий майдон чуқурлиги" каби афзалликларни беради.
Шунингдек, Xiaomi'нинг таъкидлашича, янги концептуал телефон 10 битли RAW форматида суратга олиш қобилиятига ҳам эга. Айтиш керакки, янги консепт моделнинг камера модули линзаларни ўрнатиш ёки олиб ташлашда тирналишлар бўлмаслиги учун сафир шиша билан ҳам ҳимояланган. Қуйида Xiaomi 12S Ultra Concept билан суратга олинган баъзи расмларни кўришингиз мумкин.
Афсуски, Xiaomi 12S Ultra Concept версияси консептлигича қолади ва у сотувга чиқарилмайди. Xiaomi'нинг маҳсулот бўйича ПР раҳбари Агатҳа Танг консепт смартфоннинг жонли суратларини улашди.
Phone📱? Camera📷? BOTH!
— Agatha Tang (@aggasaurus) November 2, 2022
What would you classify this as? #Xiaomi12SUltraConcept pic.twitter.com/uzJVzifou4
Таниқли инсайдер, Ice Universe'нинг айтишича, "Samsung ва Apple бера олмаганини, Xiaomi бера олади" ва "дунёга Xiaomi каби бренд керак".
ЎҚИНГ: Xiaomi 13 сериясига янги модел қўшилмоқда, лекин у "янги" эмас
