Xiaomi 13 смартфонларинг ички техник хусусиятлари очиқланди
Кеча расман Xiaomi 13 сериясининг тақдимот санасини маълум қилган сўнг, Xiaomi ўзининг бўлажак флагманлари ҳақидаги маълумотларни улашишни бошлади. Биз аллақачон қатордаги оддий модел текис, Pro модел эса ён томонлари эгилган OLED экранга эга бўлиши ва экран рамкаси сезиларли даражада ингичка бўлиши ҳақида билиб олган эдик.
Эндиликда маълум бўлишича, Xiaomi 13 ва Xiaomi 13 Pro смартфонлари Qualcomm яқинда тақдим қилган Snapdragon 8 Gen 2 чипсети билан жиҳозланади. Айтиш керакки, чипсет процессорининг кўп ядроли ишлаши 37% га, GPU ишлаши эса 42% га ошган. Қолаверса, смартфон максимал 8533 Мб/секунд тезликка чиқа оладиган LPDDR5Х оператив ва маълумотларни 3.5 ГБ/секунд тезликда ўқий оладиган UFS 4.0 доимий хотира технологияларига асосланган бўлади.
Xiaomi 13 серияси келаётган пайшанба куни тақдим қилинади.
