Xiaomi Black Shark 4S'нинг дизайни ҳамда техник жиҳатлари маълум бўлди

Xiaomi Black Shark 4S'нинг дизайни ҳамда техник жиҳатлари маълум бўлди

Black Shark 4S смартфони 13 октабрда тақдим этилади. Компания ушбу ўйинбоб флагманнинг тизерларини Weibo сайтида эълон қилди. Тизер эса смартфон қандай дизайнда бўлишини кўрсатиб берди.

ЎҚИНГ: Xiaomi янги Black Shark 4S смартфонини тақдим этмоқчи

Янги смартфон Samsung'нинг E4 AMOLED дисплейи билан жиҳозланган бўлиб, 144Hz экран янгиланиш частотаси ҳамда 720Hz сенсорли намуна олиш частотасини қўллаб-қувватлайди.

Орқа панелда горизантал жойлашган камералар аввалги Black Shark 4'нинг дизайнини эслатиб юборади. Қурилмада махсус триггерлар бўлиб, ўйин ўйнашда ўйинчига қулайликлар яратади.

Смартфон тақдим этилишидан икки кун олдин AnTuTu тестидан ўтди. Тест натижаларига кўра, янги модель 887,734 балл тўплаб, етакчиликни Black Shark 4 Pro'дан тортиб олди.

Бенчмарк, шунингдек, қурилма 16/512ГБ хотира ҳамда Snapdragon 888 Plus чипига эга эканлигини кўрсатиб берди.

ЎҚИНГ: Xiaomi компанияси Mi Mix Fold'нинг янгиланган талқинини чиқармоқчи

Хабарларни тез ва осон ўқиш учун Андроид иловамизни сақлаб олинг.