Xiaomi компанияси Mi Mix Fold'нинг янгиланган талқини чиқармоқчи

Шу йилнинг апрель ойида Xiaomi Хитой бозори учун Mi Mix Fold смартфонини сотувга чиқарган эди. Xiaomi ушбу смартфонни халқаро бозорда сотганича йўқ.

Бироқ миш-мишларга кўра, компания Mi Mix'нинг янгиланган талқинини ишлаб чиқармоқчи. Янги букламафон эса халқаро бозорда сотилади. 

Қурилмада кичик ўзгаришлар бўлади. Жумладан, ташқи экран 120Hz, ички асосий экран 90Hz янгиланиш частотасида ишлайди. Таққослаш учун, маҳаллий бозор учун ишлаб чиқарилган Mix Fold'нинг ташқи экрани 90Hz, ички экрани эса 60Hz ишлар эди. 

Шунингдек, янги букламафонга экраности селфи камера ўрнатилади. Манба ушбу экраности селфи камера қайси дисплейга ўрнатилишини айтмаган бўлса-да, катта эҳтимол билан у ички асосий дисплейга ўрнатилади. Аввалги Mi Fold'да эса умуман селфи камера бўлмаган. 

Янги Mix Fold қурилмаси 5,000 мАс сиғимли аккумулятор билан жиҳозланади. Уни 120 ваттда қувватлаш мумкин. 

ЎҚИНГ: Xiaomi ҳамда Redmi флагманлари Android 12 тизимига ўтади