Xiaomi янги сериядаги смартфонларни ишлаб чиқаришни бошлайди. У қандай номланади?
Xiaomi келгуси ҳафтада Civi номли янги смартфонлар сериясини намойиш қилмоқчи. Weibo'да чоп этилган тизерга кўра, ушбу сериядаги смартфонлар замонавий ва хилма-хил дизайн ҳамда инновацион технологияларга эга бўлади. Компания ушбу серия ҳақида бошқа ҳеч қандай тафсилот бермади.
Миш-мишлар кўра, Civi серияси камераларга асосланган Mi CC линиясининг вориси бўлади. Ушбу сериядаги қурилмалар ўрта даражадаги техник жиҳатлар билан флагман даражасидаги камераларни ўзида бирлаштиради.
Шуни таъкидлаш керакки, икки йил аввал тақдим этилган Xiaomi Mi CC9 Pro смартфони 5 та камерга эга бўлиб, улар 108МП асосий камера, 12МП телефото камера, 20МП ультракенг камера, 5МП зум камера ҳамда 2МП макро камерадан иборат бўлган. Смартфонга, шунингдек, 32МП селфи камера ўрнатилган. MI CC9 Pro Хитойда 500 доллар нархда сотувга чиққан эди.
Бундай камера ва нарх формуласини компания энди Civi серияда давом эттиради.
Янги сериянинг тақдимоти 27 сентябрь Хитой вақти билан 14:00 да бошланади.
