Хитойлик компания iPhone 13 Pro'нинг орқа панель дизайнини шундоқлигича кўчириб олди
Хитойнинг Blackview смартфон ишлаб чиқарувчи компанияси янги Blackview A95 смартфонини тақдим этди. У орқа томонидан iPhone 13 Pro'га жуда ўхшайди, лекин унинг нархи iPhone 13 Pro'дан бир неча баравар арзон.
8/128ГБ хотирага эга Blackview A95'нинг нархи 210 долларни ташкил этади, бироқ смартфонга олдиндан буюртма берган харидорлар уни 160 долларга сотиб олишлари мумкин бўлади. Смартфон учта рангда сотувга чиқарилади: Aurora Night Black, Summer Ocean Blue ва Fantasy Galaxy Rainbow.
Қурилма 60Hz экран янгиланиш частотасида ишловчи 6.5 дюймли HD+ IPS LCD дисплейи билан жиҳозланган. Дисплейнинг ҳар бир дюймига 269 пиксел тўгри келади.
Экраннинг юқори қисмидан томчисимон 8МП селфи камера ўрин олган. Шуни таъкдлаш жоизки, орқа панелдаги учта камерадан фақатгина битта 20МП камера ишлайди ҳолос. Қолган иккитаси эса дизайн учун яратилган сохта камералардир.
Смартфон MediaTek Helio P70 чипда ишлайди. Хотира ҳажмини microSD картаси билан кенгайтириш мумкин. Шунингдек, қурилмага 18 ваттда қувват олувчи 4,380 мАс сиғимли аккумулятор ўрнатилган.
Гаджет Android 11 операцион тизимига асосланган Doke OS график қобиғида ишлайди.
ЎҚИНГ: iPhone 13 дизайнидаги 83 долларлик смартфон қизғин муҳокамаларга сабаб бўлди
