Хитойлик хакерлар 9 йилдан бери Россия давлат идораларини кузатаётган экан!
Positive Technologies ҳамда «Касперский лабораторияси» компаниялари таҳлилчилари Россия давлат компаниялари, вазирлик ва ташкилотларининг компьютерларида хакерлик ҳужуми изларини топишди. Бу изларга ортидан бориб уларнинг тахмин қилишларича, буни Хитой ҳукумати кўрсатмаси билан ўша ерлик хакерлар амалга оширишган.
ЎҚИНГ: Ҳайратга лойиқ хакер: ФБР эплай олмаган Apple серверларини мактаб ўқувчиси бузиб кирди!
Компьютерлардан ўғирланган маълумотларга қараганда, хакерларни айнан сиёсий разведка ҳамда саноат соҳасидаги жосуслик қизиқтирган. Бузиб кириш ишлари ҳамиша бир хил сценарий бўйича амалга оширилган: компьютер тизимига зиёнкор дастурий таъминот ўрнатилган. У маълум муддат «ухлаб ётган», кейин эса фаоллашиб кетган, унинг ёрдамида хакерлар қимматбаҳо ва махфий маълумотларни олиб боришган.
Хабарга кўра, умумий ҳисобда 30 ташкилотга ҳужум амалга оширилган бўлиб, шулардан 24 таси айнан Россияда жойлашган, қолганлари ҳам турли шаклларда шу мамлакат билан боғлиқ бўлган. Булар – саноат, қурилиш, энергетика ва кўчмас мулк соҳаларидаги компания ва идоралар бўлган.
Жорий йилнинг 6 май куни маълум бўлишича, Huawei компанияси МТС абонентларининг маълумотларини сақлаш учун жиҳозларни етказиб берувчи бўлиши мумкин. АҚШ ва бошқа айрим давлатлар эса хитойлик техногигантга ишонмайди – уни «Осмон ости салтанати» фойдасига жосуслик қилади, деб ҳисоблашади.
ЎҚИНГ: Huawei билан ҳамкорлик ҳақида «оғзидан гуллаб» қўйган мудофаа вазири ишидан ҳайдалди
