Янги Redmi Note смартфони рекорд даражадаги зарядланиш тезлигига эга бўлади

Янги Redmi Note смартфони рекорд даражадаги зарядланиш тезлигига эга бўлади

Redmi Note 12 сериясидаги учта смартфонлар Хитойда 3C сертификатини қабул қилишди. Унга кўра, 22101316C рақамли бошланғич модел 67 Вт тезликда, унинг каттароғи, 22101316UCP модел рақамли Redmi Note 12 Pro эса 120 Вт тезликда зарядланиши маълум бўлди. Шунингдек, қаторда яна бир Pro модел, Redmi Note 12 Pro+ (22101316UC) модели ҳам бўлиб, берилган маълумотларга кўра у 210 Вт тезликда қувватлана оладиган бўлади. 

Таъкидлаш жоизки, бугунги кунда iQOO 10 Pro смартфони 200 Вт тезликда, 0 дан 100 фоизгача 10 дақиқа ичида зарядланиши билан энг тез қувватланадиган телефон бўлиб турибди

Хитойдаги Xiaomi Group президенти Лу Вейбингнинг таъкидлашича, Redmi Note 11Т смартфонларида кўпроқ тезликка эътибор қаратилган бўлса, Redmi Note 12 сериясидаги смартфонлар инновацияларга асосланган бўлади.

Миш-мишларга кўра, Redmi Note 12 сериясидаги смартфонлар Mediatek Dimensity 1080 чипсети билан жиҳозланиши мумкин. Нархларга келадиган бўлсак, оддий Redmi Note 12 модели 100-150 доллар, Redmi Note 12 Pro моделлари эса 200-250 доллар атрофидаги нархда чиқарилиши мумкин. 

ЎҚИНГ: Хиаоми 13 Pro қанчалик тез зарядланиши маълум бўлди

Сайтимизнинг энг чиройли расмларини Инстаграмдаги саҳифамизда томоша қилинг!