Янги рендерлар Galaxy A73 моделининг экран рамкалари янада ингичкалашганини кўрсатиб берди
Samsung Galaxy A73 смартфони яқин ҳафталар ичида тақдим этилади. Шу кунгача смартфоннинг кўплаб рендерлари эълон қилинди. Яқинда тақдим этилган рендерга кўра, смартфоннинг экран атрофидаги рамкалар янада қисқаради.
Қурилма худди ўтган йилги моделга ўхшаб AMOLED дисплей ва унинг остида жойлашган оптик бармоқ изи сканерига эга бўлади. Samsung бу йили иккита Unpacked тадбирини ўтказди. Биринчи тадбирда Galaxy S22 смартфонлари ва Tab S8 планшетлари, иккинчисида эса Galaxy Book2 ноутбуклари тақдим этилди.
Компания ўтган йили A52 ва A72 моделларини бир вақтда тақдим этганини ҳисобга олсак, бу йилги A73 ҳам A53 модели билан бирга тақдим этилади. Тахминларга кўра, смартфонлар яқин 3-4 ҳафталарда эълон қилинади.
