Йилнинг май ойида юклаб олиниш бўйича энг топ ўйинлари ўнталиги
Sensor Tower компанияси 2022 йилнинг май ойида дунё бўйлаб энг кўп юклаб олинган мобил ўйинлар топ ўнталиги рўйхати билан улашди. Унга кўра, умумий ва App Store иловалар дўкони рўйхатининг биринчи ўрнини ўтган ойда ўзининг 10 йиллигини нишонлаган Subway Surfers ўйини 30 миллиондан ортиқ юклаб олиниш билан эгаллаган.
Garena томонидан тақдим қилинаётган Free Fire шутер ўйини эса умумий рўйхатнинг иккинчи ўрнини, шу билан бирга, Google Play Store'дан юклаб олиниш бўйича эса биринчи ўринни банд қилди.
Шунингдек, рўйхатда Apex Legends Mobile, Tall Man Run, Deliver It 3D ва Stumble Guys каби янги ўйинларни ҳам кўришимиз мумкин.
Маълум бўлишича, ўтган май ойида дунё бўйлаб App Store ва Google Play Store'дан мобил ўйинлар юклаб олишлар сони 4.8 миллиардга етган. Бунда жами юклаб олишларнинг 19.2 фоизи ёхуд 916 миллиондан ортиғи Ҳиндистонга тўғри келади ва бу энг кўпидир. Юклаб олишлар бозорининг иккинчи ўринида эса 8.4% билан Америка эгаллаган бўлса, ундан кейинги учинчи ўринда 7.9% билан Бразиля туради.
ЎҚИНГ: Telegram Premium фойдаланувчиларни ўзига жалб қила олмаяпти
