YouTube'нинг энг кўп обуначига эга "қироли" ўзгарди

YouTube'нинг энг кўп обуначига эга

YouTube'даги энг таниқли каналлардан бири, PewDiePie энди платформадаги энг кўп обуначига эга канал эмас. 9to5Google нашрининг хабар беришича, MrBeast бу борада ундан ўтиб кетди.

Dexerto томонидан ёзиб олинган видеога кўра, MrBeast ёхуд Жимми Доналдсон YouTube канали 15 ноябр куни 112 миллиондан ортиқ обуначилар билан "YouTube'да энг кўп обуна бўлинган канал" номини қўлга киритди. Шу кунга қадар PewDiePie номи билан танилган Феликс Арвид Улф Кжеллберг YouTube'даги энг кўп обуначига эга канал тожига эгалик қилиб келаётган эди. Ҳозирда унинг обуначилари сони 111 миллиондан ошиқ.

MrBeast YouTube канали биринчи марта 2010 йил бошларида ишга туширилган бўлиб, у 2017 йилларга келганда муваффақият қозонишни бошлаган. Сўнгги йилларда MrBeast канали ўтган йилги Squid Game филмининг ҳақиқий ҳаётда қайта яратилиши каби қизиқарли видеолари ва Жиммининг 100 минглаб доллар совғаларни сахийлик бериб юборишлари билан машҳур бўлди.

Аслида YouTube'да энг кўп обуначига эга канал ушбу контент яратувчилар канали обуначиларидан икки баравар кўпроқ – Ҳиндистоннинг T-Series мусиқавий YouTube канали 229 миллион обуначиларга эга.

ЎҚИНГ: Янгича дизайн билан YouTube янада чиройлироқ кўринмоқда

Сайт янгиликларидан доимий хабардор бўлиш учун Телеграм каналимизга қўшилинг!