1 июлдан Xiaomi смартфонлари глобал MIUI бета-прошивкадан маҳрум этиляпти!
«Хитойча Apple» ўз қурилмаларида янги имконияларни синовчилар учун тақдим этган бета-тест дастурини ёпаётганини эълон қилди. Жорий йилнинг 1 июлидан бошлаб глобал талқиндаги MIUI бета-прошивкалари тўхтатилади.
ЎҚИНГ: Xiaomi’нинг биринчилар қаторида Android 10 Q’гача янгиланувчи смартфонлари рўйхати
Биласизки, Xiaomi смартфонлари учун MIUI график қобиғи икки хил версияда чиқади: якуний кўринишдаги барқарор прошивка ҳамда синовчилар учун бета-версия. Барқарор MIUI – камчиликлари тўғриланган ва якунига етган, функциялари тўлақонли вариант бўлиб, смартфонларга шу талқини ўрнатилади.
Бета-талқиндаги MIUI Global Beta ROM прошивкасини эса фойдаланувчилар ўз хоҳишларига кўра – мустақил тарзда ўрнатиб олишлари мумкин. Бу – синов учун тақдим этилган варинат бўлиб, барча функциялари тўлиқ ишламайди, камчиликлари бўлади. Xiaomi уни айнан шунинг учун чиқариб келади – синовчилар прошивканинг камчиликларини аниқлаб, компанияга хабар беришлари ва шу асосда нуқсонларни тўғрилаб, барқарор MIUI талқинини имкон қадар мукаммал қилиб чиқариш кўзда тутилган.
ЎҚИНГ: Redmi'нинг навбатдаги смартфони сизга ёқиши тайин!
Лекин тажрибали фойдаланувчилар, қизиқувчилар ва дастурчилар учун жорий этилган бета-синов дастури керакли натижани бермаётир, дейди компания. Бундан ташқари, ҳозирги кунгача Xiaomi ҳамда Redmi брендлари остида жуда кўплаб моделларда янги смартфонлар тақдим этилган. Уларнинг ҳар бири учун ҳам бета-талқиндаги, ҳам барқарор вариантдаги прошивкаларни тайёрлаш, уларнинг камчиликлари устида ишлаш компания дастурчиларининг жуда кўп вақтини ва кучини олиб қўймоқда.
Шуларни ҳисобга олиб, Xiaomi энди бета-синов дастурини ёпишга қарор қилди. Бундан кейин компания асосий кучини глобал MIUI прошивкасининг фақат барқарор шаклига йўналтиради. «Хитойча Apple»нинг ваъда беришича, энди якуний ҳолатдаги глобал MIUI янада яхшиланади ва аввалгига нисбатан тез-тез янгиланиб туради.
Эслатиб ўтамиз, Terashop.uz интернет-дўконимизда турли русумлардаги Xiaomi телефонларини атиги 590 000 сўмдан бошланувчи нархларда сотиб олиш мумкин. Улардан аксариятининг нархлари анча пасайтирилган, шунингдек, тўлов борасида янги имкониятлар ҳам пайдо бўлган...
ЎҚИНГ: Xiaomi смартфонларини энди пул ўтказиш (перечисление) йўли билан ҳам олишингиз мумкин!
