"100% аҳмоқлар назариясига асосланган"
Дунёнинг энг бой одамларидан бири, Билл Гейтс, сешанба куни бўлиб ўтган иқлим ўзгариши ҳақидаги конференсияда ўзининг NFT'лар ҳақидаги фикрини маълум қилди. Миллиардернинг айтишича, ўзгармас токенлар "100% каттароқ аҳмоқлар назариясига асосланган" бўлиб, бу "молиявий тушунчада, сиз, ҳатто, ҳаддан ташқари қиммат активларни ҳам сотиб пул ишлашингиз мумкин, агар уни сотиш учун каттароқ аҳмоқ топсангиз."
Microsoft асосчисининг ўзи эса ферма ёки заводлар каби аниқ натижалар берадиган, ёки бирон маҳсулот ишлаб чиқарадиган компанияларга инвестиция қилишни афзал кўради.
"Мен бунга аралашмайман. Мен бу нарсаларнинг биронтасида ҳам кам ёки кўп эмасман." дейди Гейтс. Шунингдек, у бундай активлар "солиқ ёки биронта ҳукумат қоидаларидан қочишга мўлжалланган"лигидан шубҳаланишини айтади.
"Аниқроғи, маймунларнинг қимматбаҳо рақамли тасвирлари дунёни сезиларли даражада яхшилайди", деб киноя қилади Гейтс, Bored Ape Yacht Club NFT лойиҳасига ишора қилиб.
Бу Гейтснинг криптовалюталарга биринчи марта шубҳа билдириши эмас. 2021 йил феврал ойида бўлиб ўтган интервюсида у инвесторларнинг Bitcoin'ни сотиб олишлари хавфидан хавотирда эканлигини билдирган, айниқса, криптовалютанинг қиймати жуда ўзгарувчан ва Илон Маск каби таниқли инвесторнинг твитига асосланиб тушиб кетиши мумкин бўлганида.
