100 долларлик Galaxy A10s (ёки Galaxy A10e) ҳамда «номигагина арзон» Galaxy M40 июннинг бошида чиқади

  •   DiMaX
  •  2967
  •  27.05.2019 15:24

100 долларлик Galaxy A10s (ёки Galaxy A10e) ҳамда «номигагина арзон» Galaxy M40 июннинг бошида чиқади

Samsung компанияси Galaxy A10e русумли смартфонни тайёрлаётгани ҳақида Terabayt.uz бир нечта хабарлар эълон қилган. Инсайдерларнинг маълум қилишича, ушбу қурилма Samsung Galaxy A10s модели сифатида намойиш қилинади.

ЎҚИНГ: Ҳамёнбоп Galaxy A10e смартфони илк суратларда

MySmartPrice нашрига кўра, Galaxy A10s ҳамда Galaxy M40 моделлари биргаликда, келаси ойнинг бошидаёқ Ҳиндистонда тақдим қилинади. Булардан биринчиси диагоналига 6.2 дюймлик LCD-дисплейга эга. Тепаси томчисимон кемтикли, яъни Infinity-V туридаги экран IPS матрицасига асосланган. Samsung ушбу девайсини саккиз ядроли MediaTek Helio P22 процессор ҳамда 2/3 гигабайтлик тезкор хотира билан жиҳозлаяпти. Сизиб чиққан маълумотларга кўра, Galaxy A10s учун 100 АҚШ доллари атрофида нарх белгиланади.

Samsung компанияси ўзининг арзон смартфонлар туркуми номини Galaxy M тарзида ўзгартирганидан хабарингиз бор. Лекин уларнинг навбатдаги вакили – Galaxy M40 бир қатор юксак хусусиятларга эгаки, натижада нархи ҳам шунга яраша...

ЎҚИНГ: Идеал смартфон: Galaxy M40 яна бир флагманча хусусиятга эга, аммо нархи...

Сўнгги хабарларга қараганда, жанубий кореяликлар Galaxy M40 моделини ўта сиғимдор – нақ 5000 мА/соатлик аккумулятор билан жиҳозлашяпти. Унинг «электрон юраги» ҳам нисбатан бақувват – Qualcomm Snapdragon 675 процессори. Самарадорликни таъминлашда бу чипга 6 гигабайтлик тезкор хотира кўмакдош бўлади.

Ушбу смартфоннинг Super AMOLED-дисплейи тасвир аниқлиги Full HD+ форматида. Уч модулли бош камера, One UI график қобиғи остидаги Android 9 Pie операцион тизим талқинига эга Galaxy M40 бирмунча қиммат – 360 долларга тенг нархда чиқади.

ЎҚИНГ: Энг харидоргир смартфонлардан бўлган Galaxy A50 ҳам арзонлаша бошлади!

Ушбу компаниянинг айрим телефонларини эса атиги 451 000 сўмдан бошланувчи нархларда Terashop.uz интернет-дўконимиздан харид қилиш имкони мавжуд. Бундан ташқари, Samsung ёки бошқа ишлаб чиқарувчининг смартфонини ишлатаётган бўлишингиздан қатъи назар, биз сизга омадингизни синаб кўришни таклиф қиламиз! Айни дамда 2 июнга қадар сизда Xiaomi компаниясининг ажойиб фитнес-браслети – Mi Band 3 ютиб олиш имконияти мавжуд.

Бунинг учун YouTube-каналимизга аъзо бўлиб, ушбу видео остига изоҳ ёзиб, «Ёқди» тугмачасига боссангиз кифоя. Ғолиб эса сайтимизнинг Facebook-саҳифаси орқали жонли эфирда аниқланади ва ушбу омадли инсонга совға ўзи яшаб турган вилоят марказигача бепул етказиб берилади! Бу ҳақдаги батафсил маълумотни мана бу ерда олишингиз мумкин.

ЎҚИНГ: «Ўнта қўй нима бўлади!?» – Samsung яна камида тўртта моделда Galaxy A смартфони тайёрлаяпти

Хабарларни тез ва осон ўқиш учун Андроид иловамизни сақлаб олинг.