105 долларлик Realme C1 (2019) тақдим этилди, лекин уни сиз сотиб ололмайсиз!

  •   DiMaX
  •  2489
  •  29.01.2019 11:32

105 долларлик Realme C1 (2019) тақдим этилди, лекин уни сиз сотиб ололмайсиз!

Oppo айнан Xiaomi компаниясининг Redmi бренди билан рақобатлашиш учун RealMe брендини ташкил этгани ва у чиндан ҳам «хитойча Apple»дан ўзиб кетгани ҳақида ёзганмиз. Кейинроқ у яна битта ҳамёнбоп модели билан селфи ишқибозларини ҳам хурсанд қилган.

ЎҚИНГ: Xiaomi Redmi смартфонларининг янги рақиби – арзон RealMe U1 селфифони тақдим этилди!

Энди эса Realme бренди Ҳиндистонда янги арзон смартфон – Realme C1 (2019) моделини расман намойиш этди. Пластик корпусли мазкур қурилма кенг форматли, 6.2 дюймлик HD+ дисплейга эга. Корпус олд юзасининг 88.8 фоиз қисмини экран эгаллаган.

Смартфон америкалик чипсоз – Qualcomm компаниясининг Snapdragon 450 процессори базасига қурилган. Мазкур чип такт частотаси 1.8 ГГц бўлган саккизта ядро ҳамда Adreno 506 график тезлатгичини ўз ичига олган.

ЎҚИНГ: Redmi Note 7 рақиби – Realme 3 ҳам 48 мегапикселлик камерага эга бўляпти!

Realme C1 (2019) икки хил модификацияда чиқади: 2/32 ҳамда 3/32 гигабайтлик. Ҳар иккаласида ҳам 256 гигабайтгача ҳажмли microSD-карта учун жой ажратилган. Унинг асосий камераси 13 ва 2 мегапикселлик иккита сенсордан иборат. Селфилар учун эса экран «кемтиги»да эса «сунъий онг»ли, 5 мегапикселлик камера ўрнатилган. Унга фойдаланувчини юзидан таниб смартфонни қулфдан чиқарувчи Face Unlock функцияси ҳам жорий этилган, шу боис бармоқ изи сканерига ҳожит ҳам қолмаган.

Realme C1 (2019) анчагина сиғимдор – 4230 мА/соатлик аккумулятор билан жиҳозланган бўлиб, Android 8.1 Oreo базасидаги ColorOS 5.1 график қобиғи билан ишлайди. Ҳиндистонда унинг бошланғич модификациядагисини атиги 105 долларга олиш мумкин бўлади, уни 5 февралда – айнан Samsung’нинг энг арзон смартфонлари билан бир кунда савдога чиқаришади.

Афсуски, бу моделнинг ҳам фақатгина Ҳиндистон бозорида сотилиши айтилмоқда. Ҳечқиси йўқ – Terashop.uz интернет-дўконимизда нархи 599 000 сўмдан бошланувчи турли смартфонларни сотиб олиш имкони мавжуд.

ЎҚИНГ: Ниҳоят, Samsung энг арзон Galaxy M10 ва M20 смартфонлари тақдимотини ўтказди!