108 МП камерали Galaxy A91 флагмани эртароқ чиқади, бу туркумда яна тўққизта смартфон бор!
Samsung ўтган ойда Snapdragon 855 чипли, 5G-модемли илк ҳамёнбоп флагман – Galaxy A90 5G моделини намойиш қилган эди. Энди эса компания унинг «ука»си – 5G-модемсиз бўлгани учун арзонроқ Galaxy A91 смартфонини тайёрламоқда.
ЎҚИНГ: Samsung Galaxy A91 қайси чипда ишлайди? Қанча тезликда қувватланади?
Европа Иттифоқининг Интеллектуал мулк бюроси Samsung Electronics компанияси учун тўққизта янги савдо белгисини рўйхатдан ўтказди. Булар – ўрта нархли Galaxy A туркумида 2020 йили тақдим этиладиган смартфонлардир.
Қизиғи шундаки, Galaxy A91 модели бу туркумда Samsung кейинги йил намойиш этадиган қурилмалар рўйхатида йўқ! Демак, жанубий кореяликлар ушбу ҳамёнбоп флагманни 2019 йилнинг ўзидаёқ тақдим қилишмоқчи.
Айтиб ўтиш керакки, ҳозиргача глобал бозорга чиққан бир қатор Samsung телефонларини 705 000 сўмдан бошланувчи нархлар эвазига Terashop.uz интернет-дўконимиздан сотиб олиш мумкин.
