12 ГБ «оперативка»ли Mi 9 Explorer Edition расмий видеоролик ва «жонли» суратларда – уни аллақачон сотишмоқда!
Xiaomi компанияси Mi 9 флагманининг премиал версияси – Explorer Edition моделини ҳам тайёрлаганидан хабарингиз бор. Аввалроқ оддий Xiaomi Mi 9 смартфонининг «жонли» видеосини эълон қилган эдик, энди навбат – илғор версияга!
ЎҚИНГ: Xiaomi илк симсиз портатив аккумуляторни чиқаряпти. Шу функцияни Mi 9’нинг ўзи ҳам бажаради!
Бугун – 18 февралда хитойлик инсайдерлар компания тайёрлаган расмий видеони интернетга чиқариб юборишди. Унда кўрсатилган смартфонни Mi 9 Explorer Edition модели, дейишмоқда:
Унинг оддий Mi 9 моделидан фарқи – нақ 12 гигабайтлик тезкор хотирага эга эканлигида, демоқда манбалар. Аввалги хабарларда Mi 9 Explorer Edition бош камераси тўртта модулни ўз ичига олиши айтилаётган эди, аммо янги маълумотлар буни инкор қилмоқда. Бугун тарқалган хабарларга кўра, Xiaomi Mi 9 Explorer Edition камераси ҳам уч модулли, фақат оддий версияда у олтита унсурдан иборат ва максимал F/1,75 диафрагмали бўлса, премиал моделида еттита унсурни ўз ичига олиб, максимал F/1,47 диафрагмали экан.
Шунингдек, айнан шунақа – учта объективли бош камерага эга Xiaomi Mi 9 Explorer Edition’нинг «жонли» суратлари ҳам интернетга чиқди:
Янада қизиғи – ҳали Xiaomi Mi 9 смартфонлари расман тақдим этилмасдан туриб, нархи аниқ бўлмаса-да, Jingdong интернет-дўкони аллақачон бу гаджетларни сота бошлаган! Яъни, ҳозиргача 90 мингтача харидор улар учун олдиндан буюртма берган.
ЎҚИНГ: Xiaomi раҳбари AnTuTu’нинг янги рекордчисини эълон қилди! (2019 йил 16 февраль)
Гувоҳи бўлаётганингиздек, худди ўтган йили чиққан Xiaomi Mi 8 Explorer Edition моделидаги сингари, ушбу смартфоннинг ҳам орқа панели ярим шаффоф бўлиб, ички қисмлари кўриниб турибди:
Эслатиб ўтамиз, «хитойча Apple»нинг энг сўнгги – Redmi Note 7 телефонини Ўзбекистонда ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.
ЎҚИНГ: Xiaomi ҳам «ёнғоқчақар» Redmi Note 7’ни глобал версияда жаҳон бозорига чиқаряпти!