130 дан ортиқ АҚШ компанияси Huawei билан савдо қилиш ниятида
Июль ойида, Америка Қўшма Штатлари Савдо департаменти Huawei билан савдо алоқаларини давом эттиришни истаган АҚШ компанияларига махсус лицензиялар беришни режалаштираётганини эълон қилганди.
Эндиликда эса, Reuters ахборот агентлиги билан суҳбатлашган вазиятдан хабардор кишиларнинг сўзларига кўра, лицензия олиш учун Савдо департаментига маҳаллий технологик фирмалардан 130 дан ортиқ ариза келиб тушди. Бу рақамлар ҳали расман тасдиқланмаган бўлса-да, ушбу кўрсаткич бу ечим яқин орада кучга кириши мумкинлигини англатади.
Савдо котиби Уилбур Росс янги лицензиялар фақат миллий хавфсизликка таҳдид солмайдиган кенг кўламда мавжуд компонентлар учун берилишини очиқчасига айтиб ўтди. Қайси компонентлар ушбу талабларга мос келиши эса ҳозирча номаълум. Яқинда, Huawei расмийлари савдо тақиқи сабаб компаниянинг мобил қурилмалар бўлими 10 млрд долларгача маблағ йўқотиши мумкинлигини таъкидлаганди.
Huawei'га, шунингдек, АҚШдаги ҳамкорлари билан тузган вақтинчалик савдо шартномларининг тугаш муддати учун қўшимча 90 кунлик кечиктириш берилган. Узоқроқ муддатга мўлжалланган ечимнинг тез орада кучга кириш-кирмаслигини эса фақтгина вақт кўрсатади.
ЎҚИНГ: Huawei раҳбари: компаниямиз "ҳаёт ва ўлим ўртасида" турибди!
