14 йил ичида iPhone'лар қанчага қимматлашган?

14 йил ичида iPhone'лар қанчага қимматлашган?

2007 йилда АҚШда биринчи iPhone чиқарилганидан бери Apple смартфонларининг нархи шу кунгача 81% га ошган.

Бу шуни англатадики, 2021 йилда iPhone 13 сотиб олган харидорлар 2007 йилда илк iPhone'ни сотиб олган харидорларга қараганда ўртача 437 доллар кўпроқ тўламоқдалар. 

Бироқ, бу инфляцияни ҳисобга олмаганда. Инфляцияни ҳисобга олган ҳолда айтсак, 14 йил давомида iPhone'лар атиги 26% га қимматлашганини кўриш мумкин. Шундай қилиб, iPhone 13'нинг нархи биринчи авлод iPhone қурилмасиники билан таққосланса, ҳозирги iPhone 13 атиги 154 долларга қимматроқ холос. 

Мамлакатлар мисолида нархларни таҳлил қилсак, жуда қизиқ ҳолатнинг гувоҳи бўламиз. Масалан, Россияда 2007 йилдаги илк iPhone'ни сотиб олишдан iPhone 13'ни сотиб олиш 2% га арзонроқ тушади, Ирландияда эса 32% арзонроқ.

АҚШда, аксинча, iPhone 13'нинг нархи биринчи iPhone'дан 12% қимматроқ. Нархларнинг ўсишида етакчи эса Бирлашган Араб Амирликлари. Бу мамлакатда iPhone'лар 14 йил ичида 110% га қимматлашган. 

ЎҚИНГ: USB-C портили iPhone кўрганмисиз? 

Сайтимизнинг энг чиройли расмларини Инстаграмдаги саҳифамизда томоша қилинг!