15 декабрь – Google Chrome энг оммабоп браузерга айланган сана

15 декабрь – Google Chrome энг оммабоп браузерга айланган сана

2011 йилнинг 15 декабрь санасида Google компанияси томонидан яратилган  Chrome браузери, агар муайян версия бўйича олганда,  бошқа йирик рақибларини ортда қолдириб, жаҳоннинг энг оммабоп интернет браузерига айланади. Браузер учун бундай тарихий ҳолат унинг 15 версиясида қайд этилган, деб ёзмоқда Ferra сайти.

Google Chrome 15 юқоридаги санада оммабопликда ўзининг энг жиддий рақобатчиси Internet Explorer 8 браузеридан ҳам ўтиб кетади. StatCounter нашри берган хабарга кўра, ушбу санада Google Chrome 15 версиясини жаҳон бўйлаб 24,55% фойдаланувчилар ишлатган бўлса, Explorer 8 браузеридан 22,16% одам фойдаланган. Firefox браузерининг сўнгги версиясига тегишли улуш эса 15,53 фоизни ташкил қилган. 2011 йилдаги умумий кўрсаткичларда Internet Explorer етакчилик қилган бўлса-да, 2012 йилда Google Chrome (32,75%) уни ортда қолдиради. Шундан буён Google Chrome браузерининг улуши йилдан-йилга ортиб бормоқда.

Сайт янгиликларидан доимий хабардор бўлиш учун Телеграм каналимизга қўшилинг!