150 долларлик Redmi 6 Pro смартфонини сифатли расмий суратларда кўрамиз!
Xiaomi компанияси шу йилнинг 12 июнида ҳамёнбоп Redmi 6 ҳамда Redmi 6A смартфонларини намойиш этган эди. Мазкур туркумдаги учинчи моделни корпорация яширган эса-да, инсайдерлар уни ошкор қилишган.
Куни кеча эса, Redmi 6 Pro русумли мазкур янги моделнинг тақдимот санасини Xiaomi корпорациясининг ўзи эълон қилди. Расмий постерда кўрсатилишича, бу смартфон 25 июнда, Xiaomi Mi Pad 4 планшети билан бирга оммага намойиш қилинади.
ЎҚИНГ: РАСМАН: Xiaomi тез кунларда яна иккита мобил қурилмасини намойиш этади!
Бу орада эса интернетга Redmi 6 Pro’нинг сифатли олинган расмий суратлари ҳам тарқатилди. Уларга қараганда, харидорларга бу смартфон камида беш хил рангдаги корпусларда тақдим этилади.
Демак, Xiaomi Redmi 6 Pro смартфонидан олишни хоҳловчилар унинг Rose Gold, Sand Gold, Lake Blue, Black ва Flame Red рангларидан исталган бирини танлашлари мумкин бўлади.
Сўнгги тарқалган маълумотларга кўра, Redmi 6 Pro асосий камераси 12 + 5 мегапикселли модулларни ўз ичига олган. Орасидаги фоточақноқ билан бирга битта блокка бирлашган бу камера смартфон орқа қопқоғининг юқори чап бурчагига қўндирилган. Орқа панелнинг ўртасида эса бармоқ изи сенсорига кўзимиз тушади.
ЎҚИНГ: Xiaomi кўрсатмаган Redmi 6 Pro’нинг ёқиқ ҳолдаги суратлари кўп нарсани фош этди
Xiaomi Redmi 6 Pro экрани диагоналига 5,84 дюймни ташкил этиши айтилмоқда. Унга якка кристалли Qualcomm Snapdragon 625 процессори ўрнатилади, аккумуляторининг ток сиғими эса 4000 мА/соатга тенг. Смартфон тезкор хотираси ҳажми 2, 3 ва 4 гигабайтлик, доимий флэш-хотираси эса 16, 32 ҳамда 64 гигабайтлик талқинларда чиқарилади.
Ва энг қизиғи – экраннинг тепасида Pixel 3 услубида ихчам «кемтик»ли, орқа панели эса iPhone X дизайнида бўлган ушбу смартфонга атиги 150 АҚШ доллари атрофида нарх белгиланишини айтишмоқда.
Xiaomi’нинг аллақачон бозорга чиқарилган кўплаб смартфонлари эса юртимизда ҳам расман сотилмоқда. Жумладан, ўзимизнинг «Terashop.uz» онлайн дўконимиздан уларни нақд пулсиз тўлов усуллари орқали ҳам олишингиз мумкин.
