16 октябрь – дунёдаги илк нетбук тақдим этилган кун
2007 йилнинг 16 октябрь куни ASUS компанияси жаҳондаги биринчи нетбук – Еее PC 701 моделини намойиш қилган эди. Таъкидлаш керак, ушбу форм-фактордаги қурилмалар машҳур iPad ва турли планшетлардан бир неча йил олдин жаҳонга таништирилган.
Нетбуклар ихчам дизайни, ишончлилиги ва айниқса арзон нархи туфайли истеъмолчилар орасида кенг оммалашди.
“Нетбук” атамаси илк маротаба 2003 йилда Psion компанияси томонидан 7,7 дюймли экран ва мобил StrongARM процессорига эга бўлган netBook моделининг номида ишлатилган. Ишлаш механизми жиҳатидан мазкур модель бугунги гибридлардан катта фарқ қилмаган. Бироқ унда жорий қурилмалардаги кўплаб инновацион функциялар кўзда тутилмаган эди.
ASUS Еее PC 701 нетбукига бир ядроли 900 МГц частотада ишлайдиган Celeron M353 процессори, 7 дюймли экран, 4 ГБ доимий хотира ва бор-йўғи 521 МБ тезкор хотира ўрнатилган. Windows платформаси ўрнатилган ва ўша вақтда $260 турадиган мазкур нетбут арзон нархи ва функционал хусусиятлари билан кўпчиликнинг меҳрини қозонди.
2010-2011 йилларга келиб планшет гибридлар аста-секинлик билан жаҳон бозорида нетбукларнинг ўрнини эгаллай бошлади. Бугун планшет ва компьютер гибридлари ҳали-ҳамон ўз аҳамиятини йўқотмаган.
