1987 йилда чиққан видео ўйин 870 минг долларга сотилди

1987 йилда чиққан видео ўйин 870 минг долларга сотилди

Nintendo 1987 йилда чиқарган The Legend of Zelda («Зелда афсонаси») ўйнининг очилмаган нусхаси аукционда 870,000 АҚШ долларига сотилди, дея ёзмоқда OregonLive нашри.

ЎҚИНГ: Pokemon GO чиққанидан буён қанча пул ишлаб олганини тасаввур ҳам қилолмайсиз!

Даллас шаҳрида жойлашган Heritage Auctions'нинг маълум қилишича, ўйин жума куни сотилган.

Ким ошди савдоси уйининг таъкидлашича, юқоридаги ўйин 1987 йил охирида фақатгина бир неча ой давомида, чекланган миқдорида ишлаб чиқарилган партиядаги ноёб версия бўлган. The Legend of Zelda 1986 йилда тақдим қилинган оммабоп хаёлий саргузашт ўйин ҳисобланади.

«The Legend of Zelda ўйин оламидаги энг муҳим саргузаштлардан бирининг ибтидоси бўлган; унинг тарихий аҳамияти юқори ... у ҳақиқий коллекционер буюмидир», дейди Heritage'нинг видео ўйинлар бўйича мутахассиси Валари МакЛеки.

Бундан илгари, апрель ойида ким ошди савдоси уйи Nintendo Super Mario Bros. ўйнининг 1986 йилда сотиб олинган, лекин стол тортмасида унутиб қолдирилган очилмаган нусхасини 660 минг долларга сотган эди.

ЎҚИНГ: 2021 йилнинг 1-ярмидаги энг оммабоп ўнта ўйин (Twitter рейтинги)

Terabayt.uz сайтининг видеолари: Youtube'даги каналимизда!