2 млн.дан ортиқ одам телефонига вирус юклаб олди

Google Play интернет магазинида 155 та дастурий иловалапрга ўрнашган троянлар топилди. «Доктор Веб»нинг ҳисоб-китобига кўра, вирусни 2 миллион нафардан ортиқ одам ўз мобиль қурилмасига кўчириб олган.

Троян Android.Spy.305.origin номини олди. Вирус ўрнашган иловалар пайдарпай рекламалар чиқариб, бемалол ишлашга ҳалақит беради. Шунингдек, у серверда фойдаланувчиларнинг шахсий маълумотлари ва электрон почта манзилларини ўзлаштириб олади.

Google компанияси Android.Spy.305.origin вируси аниқлангани ҳақида маълум қилди. Бироқ айрим зарарланган дастурлар Google Play майдонида юклаб олиш учун ҳали ҳам турибди. Улар орасида MaxMitek Inc, Fatty Studio, Gig Mobile, TrueApp Lab, Sigourney Studio, Doril Radio.FM, Finch Peach Mobile Apps ва Mothrr Mobile Apps дастурий иловаларини учратиш мумкин.